Botimet

Bill Viola
ARTI SI PËRVOJË SHPIRTËRORE

Video-artisti Bill Viola i përket tashmë plejadës së mjeshtërve të imazhit të krejt kulturës perëndimore.
I vetëquajturi “skulptor i kohës”, ai përvijon shpirtëroren tonë duke përdorur me finesë dhe intelekt mjetet e teknologjisë.
Ky volum është prezantimi i parë në shqip i krijimtarisë së tij.

Përzgjodhi dhe përktheu: Idlir Azizaj
Kolona: Logbook / Flukse
ISBN: 978-9951-9019-1-8
Faqe: 118
Viti i botimit: 2020
Kategoria: Video-art

Idlir Azizaj
MEDEA, ART I EKZILIT

Drama narrative botohet në tri gjuhë: në origjinalin shqip, dhe në versionin frëngjisht dhe gjermanisht. Kjo dramë temë qendrore ka nocionin e ekzilit. Por autori e ndryshon këndvështrimin: përtej emigrimit ekonomik dhe social, ai sheh tek ekzili një proces të konstruktit të individit. Për ketë arsyeje, figura e Aktorit merr përparësi të veçantë.

Kolona: Logbook / Didaskalia
Kategoria: Dramë narrative
ISBN: 978-9951-9019-0-1
Faqe: 88
Viti i botimit: 2020

Heiner Müller
MAKINERIA HAMLET dhe materiale të tjera

[Kuartet, Breg deti i plaçkitur Medeamaterial Peizazh me argonautët, Drama e zemrës, Vdekja e teatrit, Unë jam engjëlli i dëshpërimit, Engjëlli fatkeq, … ]

Heiner Müller i përket avangardës teatrore përgjatë gjysmës së dytë të shekullit XX. Vepra e tij ngërthen një makineri shprehëse të marrëdhënieve kohore që në qendër kanë fakte, realitete e ngjarje historike: të montuara në një dimension të ri. Kësisoj ai arrin të krijojë një kohë dhe marrëdhënie të re skenike. Këto forma të riprodhimit mbi trupin, artin dhe politikën rigjenerojnë veprën e artit në kohën e reproduksionit mekanik. Këtu vepra e artit, sikurse dhe teatër-tekstet e Müller, janë farkëtuar nën kushte specifike dhe përcillen nga mekanizma të tillë. Vepra e autorit mund të konsiderohet si një bagazh me materie për punë teatrore, një Müllermaterial. >>më shumë

Përzgjodhi dhe përktheu: Alban Beqiraj
ISBN: 978-9951-9019-3-2
Kolona: Logbook / Didaskalia / Faqe: 96 / Viti i botimit: 2021

Këtë qershor bëhen 100 vjet nga botimi i Uliksit të James Joyce. Krejt bota feston këtë datë, si ditëlindjen e kryeveprës që ndryshoi totalisht letërsinë.
Miti i lashtë i Odiseut vihet përkrah njeriut modern, urban e kozmopolit. Udhëtimi modern i Uliksit është ecuria e njeriut në të njëjtën jetë, por përherë me tipare e veçori të reja. Ky është botimi i parë dygjuhësh i Joyce në shqip.

>>Mbi përkthimin e “Uliksit” në shqip

Përktheu: Idlir Azizaj
Kolona: Logbook / Dedalus
ISBN: 978-9951-9019-4-9
Faqe: 114
Viti i botimit: 2022
Çmimi: 6 € / 800 Lekë

Romani i Bernanos, “Ditari i një prifti fshati” përshkruan kujtimet e një prifti në një realitet rural e të varfër në Artois, duke besuar se mund t’i drejtojë njerëzit përsëri në besimet e tyre dhe të krijojë një qendër fetare në komunitet. Duke mos qenë i mirëpritur në mesin e fshatarëve, ai vepron të kundërtën e asaj që donte. Duke mbajtur një ditar që shënon të gjitha mendimet, dyshimet dhe shpresat e tij, ai përmbledh pasurinë dhe varfërinë e tij, botën dhe fatin e jetës në përgjithësi. Ketë ekzistencë të pakuptimtë e kishte trajtuar në film edhe regjisori i mirënjohur francez Robert Bresson në filmin “Journal d’un curé de campagne”. Kjo kryevepër dëshpëruese realiste, përshkruan ngadalë rrjedhën jetësore duke zhbiruar durimin tragjik e të hidhur njerëzor. Përkushtimi ndaj Zotit vetëm sa e largon atë gjithnjë e më shumë nga njerëzit. Ky botim i Bernanosit është edhe botimi i parë në gjuhën shqipe.

>>Fragment nga libri

Përktheu: Romeo Çollaku
ISBN: 978-9951-9019-5-6
Kolona: Logbook / Dedalus
Faqe: 308 / Viti i botimit: 2022
Çmimi: 10 € / 1200 Lekë

Deltaplang përmbledh tri rrëfime, tre histori me popullsi imagjinare, por të ngulitur në gjeografinë tonë reale.
Te e para, dikush organizon një revoltë popullore, duke përdorur artin e kuzhinës për strukturimin e saj; te e dyta, një dorac mendjemprehtë shpëton banorët nga mësymja e policisë, duke e shndërruar fshatin në skenë teatri; te e treta, një aktivist politik, pa dokumenta, arrin të dalë nga no man’s land mes dy kufijve. Tri rrëfime këto, ku personazhet e përdorin gjeografinë e vendit t’i kundërvihen braktisjes së tyre në deltën e Historisë. 

 >>Adri Kalaja: Libri “Deltaplang” i Idlir NIvik

Dizajni dhe faqosja: Mustafa Lamaj (Në ballinë: “Citystructure“)
ISBN: 978-9951-9019-6-3
Kolona: Logbook / Dedalus
Faqe: 218
Viti i botimit: 2023
Çmimi: 6 € / 700 Lekë

„Nata me këngë“ trajton boshllëkun e përditshëm të një çifti dhe ngërçin e komunikimit mbi vështirësitë e lidhjes.
Reduktimi i veprimit skenik në dramë sillet rreth një hapësire të mbyllur me personazhe që shpalosin kryesisht dialogje të vyshkura e që iu ngjasojnë dramave të autorëve ekzistencialistë. Fragmentimi i tekstit, ndarja e gjuhës nga figurat, dialogjet me nuanca monologësh e përsëritja e replikave na shpien drejt një efekti muzikor që na kujtojnë refrene këngësh.  
Rrëfimi i Fosses e çon lexuesin sa më afër marrëdhënies së personazheve dhe efektit brutal të ndarjes. „Nata me këngë“ është një rrëfim mbi dilemat, vendosmërinë dhe orientimin njerëzor. E veçanta e autorit konsiston mbi këto boshllëqe, ku „të pathënat dalin në pah“, përçka u vlerësua edhe me Çmim Nobel.

>>Parathënie nga Marion Chénetier-Alev

Përktheu: Rajmonda Ahmetaj
Dizajni dhe faqosja: Mustafa Lamaj
ISBN: 978-9951-9019-7-0
Kolona: Logbook / Didaskalia
Faqe: 150
Viti i botimit: 2023
Çmimi: 6 € / 700 Lekë

Drama «E gjelbër hiri në të zezë» rrëfen një dramë familjare, me nota të zymta reflektimi. Ngjarja është e rëndë, problematika e saj universale: Si mund ta përballojë njeriu jetën si pjesë e mekanizmit, e zinxhirit prodhues, sidomos të një shoqërie jo-produktive. Dhe me çfarë çmimi? Autorja Elsa shkruan një dramë të rëndë, ndodhi e një epoke, ku lehtësia (në dukje) virtuale e qenies njerëzore mbizotëron realitetin. Drama i referohet jetës shqiptare të para viteve 90-të. Por krisja, plagët që bartin personazhet, figurojnë në mes të realitetit tonë të sotëm. Pasi çdo epoke bart të njëjtat dhimbje e skandale, por në një kontekst tjetër politik, social e mendor. Drama nënvizon fatin e njeriut përballë një katastrofe ekologjike e mendore. Termi «ekologji» nënkupton këtu një çrregullim mendor e shpirtëror të njeriut,  ndodhjen e tij në mes të situatave që ia shprishin mjedisin konceptual e mendor.  Një drama vërtet ekzistenciale në gjuhën shqipe. Personazhi qendror femëror, po ashtu, bën një lidhje të largët me Ofelinë, dhe sjell një zë tragjik: si mbytet subjekti në një vend, që duket e vjell atë jashtë sajë vorbullës së kaosit të vet kolektiv.   

Përkthyes: Edwin Schwartz
Kolona: Logbook / Didaskalia / Kategoria: Dramë narrative
ISBN: 978-9951-9019-8-7
Faqe: 132 / Viti i botimit: 2024
Çmimi: 6 € / 700 Lekë

Qetësuesi dhe Dashuria e Parë janë dy vëllime më vete nga proza e hershme e Samuel Beckett. Me këto rrëfime, autori nisi atë lloj krijimtarie të veçantë dhe u be inovatori kryesor i letërsisë në vitet 1950. Dashuria e Parë është një histori e pazakontë ndjenjash e ndjesish, sa e trishtë, aq dhe gazmore. Qetësuesi (bashkë me dy novelat I dëbuari dhe Fundi, që e shoqërojnë), janë meditime mbi thelbin e jetës dhe ekzistencën e njeriut në botë.
Fitues i Çmimit Nobel 1969, Beckett është sot një nga autorët absolutisht më të lexuar në planet. Logbook hap me këto dy vëllime serinë e veprës së plotë të këtij autori në shqip.

Përkthyen: Idlir Azizaj Nivik dhe Adri Kalaja
ISBN 978-9951-9213-1-2
Kolona: Logbook / Dedalus
Faqe: 112; 20 cm
Viti i botimit: 2025
Çmimi: 6 € / 700 Lekë

Dashuria e Parë dhe Qetësuesi janë dy vëllime më vete nga proza e hershme e Samuel Beckett. Me këto rrëfime, autori nisi atë lloj krijimtarie të veçantë dhe u be inovatori kryesor i letërsisë në vitet 1950. Dashuria e Parë është një histori e pazakontë ndjenjash e ndjesish, sa e trishtë, aq dhe gazmore. Qetësuesi (bashkë me dy novelat I dëbuari dhe Fundi, që e shoqërojnë), janë meditime mbi thelbin e jetës dhe ekzistencën e njeriut në botë.
Fitues i Çmimit Nobel 1969, Beckett është sot një nga autorët absolutisht më të lexuar në planet. Logbook hap me këto dy vëllime serinë e veprës së plotë të këtij autori në shqip.

>>Dashuria e Parë
ISBN: 978-9951-9019-9-4
PërkthyeU: Idlir Azizaj Nivik
Kolona: Logbook / Dedalus
Faqe: 102; 20 cm
Viti i botimit: 2024
Çmimi: 6 € / 700 Lekë

»Vorbulla« rrëfen historinë e një mantenute (sugar baby) që befas humbet gjithçka dhe bie në marrëzi. Ky roman i zhanrit horror ndërthur motive nga jeta shoqërore e Tiranës së sotme, që në thelb shpalosin një rrëfim mbi miqësinë dhe përballjen e ashpër me vetveten.

ISBN: 978-9951-9213-0-5
Kolona: Logbook / Dedalus
Faqe: 218; 20 cm
Viti i botimit: 2024
Çmimi: 7 € / 800 Lekë

Mikrotekstet – proza e shkurtër dhe minidramat e Daniil Harmsit – i atribuohen të ashtuquajturës letërsi e absurdit, ngase ato refuzojnë të përfshihen në një kuadër kuptimor mimetik-reprezentativ.
Për t’i përkufizuar tekstet e Harmsit, nuk konsiston te mungesa e ngjarjes dhe e subjektit, por, te përqendrimi ndaj incidenteve paraprake, pra ndaj “rasteve” nga e përditshmja, që ngjallin atraksion të madh ndaj “qenësisë, veçantisë-siç-janë” ato, pra, si dukuri jetësore, që tregohen me aq përkushtim lakonik nga prizmi politik: si protestë e heshtur dhe jo-spektakulare.

ISBN: 978-9951-9213-3-6
Kolona: Logbook / Didaskalia
Faqe: 96; 20 cm
Viti i botimit: 2025
Çmimi: 6 € / 700 Lekë

Një grua është viktimë e gjakmarrjes në një zonë të Shqipërisë së sotme. Ndërkohë që pleqëria dënon menjëherë vrasësin sipas neneve të Kanunit, ekspertiza mjekësore zbulon se viktima është në “fakt” mashkull. Në këtë stad Kanuni s’di të veprojë. Atëherë thërrasin për ndihmë filozofen e njohur feministe Judith Butler, për të ndihmuar në këtë koklavitje gjinore. Por ajo vetë ka një problem në pasaportë lidhur me identitetin dhe bllokohet në Rinas…
Në këtë roman, tema e shumëpërdorur e Kanunit është trajtuar me humor. Larg ekzotikes së gjakmarrjes dhe krimit, autori e rimerr këtë temë vetëm për të na ofruar disa personazhe të pazakontë në shoqërinë tonë: një fshatar ekscentrik kinefil, një inxhinier që kërkon me zor një skenografi për Kanunin, një vajzë që sulmon me gazetë të dashurin e saj etj.
E frymëzuar nga Don Kishoti dhe nga Don Zhuani, proza e këtij libri na jep idenë e një lidhjeje organike mes fiksionit dhe realitetit.

Kolona: Logbook / Dedalus
Dizajni grafik: Mustafa Lamaj Studio
ISBN 978-9951-9213-4-3
Faqe: 178
Viti i botimit: 2025